21 მარტს ყოველწლიურად მილიონობით ადამიანი დაუნის სინდრომის შესახებ ცნობადობის ამაღლების მიზნით ერთიანდება. ამ კამპანიას ტრადიციულად ბათუმის მომავლის სკოლა შეუერთდა.
დაუნის სინდრომი გენეტიკური ცვლილებაა და ის არ არის დაავადება. დაუნის სინდრომის მქონე ადამიანს ნაცვლად 46 ქრომოსომისა, აქვს დამატებით ერთი ქრომოსომა 21-ე წყვილში, რასაც 21-ე წყვილის ტრისომია ეწოდება.
ეს დღე პირველად აღინიშნა 2006 წელს. დაუნის სინდრომის ასოციაციებმა ბრაზილიაში იმუშავეს საერთაშორისო დაუნის სინდრომის ორგანიზაციასთან და მათ წევრებთან ერთად წამოიწყეს კამპანია, გლობალური მხარდაჭერის მოსაპოვებლად. 2011 წლის ნოემბერში მიიღეს რეზოლუცია დღის ოფიციალურად აღნიშვნის შესახებ, 21 მარტი კი გამოცხადდა დაუნის სინდრომის მსოფლიო დღედ.