სიახლეები

დიახ, დიახ დიახ, ბათუმის მომავლის სკოლის გუნდი ჩემპიონი გახდა ტურნირში "აჭარის სასკოლო ლიგა კალათბურთი 3X3 გოგონები". ჩვენმა გოგონებმა შეძლეს შეუძლებელი, დაამარცხეს ყველა და ჩვენი სკოლის სახელით კიდევ ერთხელ ასწიეს ჩემპიონობის თასი !!! ეს ტურნირი, რომელიც აჭარის სასკოლო ლიგის ორგანიზებით ტარდება ორ ეტაპად იმართება, პირველ ეტაპზე ჩვენმა ბავშვებმა მეტოქე 8-0 დაამარცხეს, რითაც ისინი გადავიდნენ ავტომატურად ფინალში, სადაც დაძაბულ შეხვედრაში ქულა-ქულა თამასში, ჩვენმა მომავლელებმა კიდევ ერთხელ გამოაჩინეს ბრძოლისუნარიანობა და ერთსულოვნება და ანგარიშით 6:5 დაამარცხეს ბათუმის VI საჯარო სკოლა. ჩვენი გმირი გოგონებია : ნატალი ვარშანიძე-მე-7ა კლასი ელენე შანიძე-მე-7ბ ანასტასია ბერიძე-მე-6გ კლასი მასწავლებელი : დავით გორგილაძე მადლობა ამ სიხარულისთვის ბათუმის მომავლის სკოლა აჭარის ჩემპიონია !!! წინ გველოდება საქართველოს პირველობა !

ბათუმის მომავლის სკოლის პრიორიტეტია, ბავშვთა განვითარებაზე ორიენტირებული ღონისძიების ნაწილი იყოს. სწორედ ამიტომ, დღეს, ჩვენმა ბავშვებმა მონაწილეობა მიიღეს საქართველოს ბანკის მიერ ორგანიზებულ ღონისძიებაში "stem განათლება მომავლისთვის" ეს პროექტი ეხმარება ჩვენს განვითარებაზე ორიენტირებულ მომავლელებს უფრო მეტი ინფორმაცია მოიპოვონ ტექნოლოგიების, მეცნიერებისა და ფიზიკა-მათემატიკის შესახებ. მადლობა ჩვენი სკოლის ადმინისტრაციას და სკოლის დამფუძნებელ-დირექტორს ქალბატონ ცირა ქასრაძეს გვერდით დგომასთვისა და მხარდაჭერისთვი.

ბათუმის მომავლის სკოლის ერთერთი პრიორიტეტი ჯანსაღი ცხოვრების წესის დამკვიდრებაა, სწორედ ამიტომ მომავლის სკოლა აქტიურად მონაწილეობს ყველა სპორტულ ღონისძიებაში. ⚽️🥇 აჭარის სასკოლო ლიგის ორგანიზებით გაიმართა ჩემპიონატი მინი ფეხბურთი თამაშები დაძაბულად და საინტერესოდ მიმდინარეობდა მადლობა სკოლის დირექციას მხადაჭერისთვის ❤️

შემოდგომის ამ ლამაზ,თბილ და ფერად დღეს მომავლის სკოლის პირველ კლასელებმა თავი მოიწონეს გონიერებით, აქტიურობით,მონდომებით და შეუდგნენ დაუსრულებელ მოგზაურობას ცოდნის ჯადოსნურ სამყაროში; თვალჟუჟუნა, თვალებციმციმა, ლურჯთვალა იამ გაუღო მათ ანბანეთის ციხე-სიმაგრის ჯადოსნური კარი და ყველას გააგებინა, რომ დედა ენის წყალობით, დახვეწილი ქართული ანბანის მეშვეობით წყაროსავით წამოვა წყურვილი ცოდნისა, გაჰყვება ნაკადულს, შეერთვება მდინარეებს, გავა ენის დიდ ზღვაში, იქედან კი სიბრძნის დაულეველ ოკეანეში. მასწავლებელმა, გულო სურმანიძემ, სიყვარულით აუხსნა პატარებს, რომ საქართველოსთვის, ქართველი ერისთვის ქართული ენა არის უდიდესი მადლი, სიმდიდრე, ჯილდო, რწმენა, ბედისწერა და ღმერთი.

შპს ბათუმის მომავლის სკოლაში ჩატარდა 2023-2024 სასწავლო წლის თვითმმართველობის არჩევნები. პროცესი მიმდინარეობდა მშვიდ გარემოში. ადგილი არ ჰქონია არანაირ დარღვევას და ინციდენტს. არჩევნებში მონაწილეობა უნდა მიეღო 184 მოსწავლეს.მათ შორის არ გამოცხადაა 6ხმა მისცა 178-მა მომავლელმა.ბათილ ბიულეტინად ჩაითვალა 16 ხმა. სულ იყო 5 კანდიდატი. ხმათა უმრავლესობით გამარჯვებულიამე-10 კლასის მოსწავლე .ლიკა ბერიძე, პრეზიდენტის მრჩეველი გოგა ჩოლაკიძე

მომავლის სკოლის მე-10 კლასის მოსწავლეები ეწვივნენ საკონსტიტუციო სასამართლოს. ვიზიტის ფარგლებში გაიმართა საინფორმაციო შეხვედრა საკონსტიტუციო სასამართლოს საზოგადოებასთან ურთიერთობის დეპარტამენტის ხელმძღვანელთან-ბატონ გიორგი ლომთაძესთან სადაც განხილული იქნა საქართველოს საკონსტიტუციო სასამართლოს სტრუქტურა; სასამართლოს როლი და მიზნები ქვეყნის დემოკრატიის პრინციპის ასამაღლებლად შეხვედრაზე კითხვა-პასუხის რეჟიმში, განხილული იქნა სასამართლოს პრაქტიკაში აწ უკვე მიღებული გადაწყვეტილებები და საერთაშორისო გამოწვევები, აღნიშნული ვიზიტის მიზანია რომ, სასამართლოს საქმიანობის შესახებ ცნობიერების ამაღლება მოსწავლეებში, მათში კრიტიკულ-ანალიტიკური აზროვნების განვითარება მადლობა სკოლის დირექციას მხადაჭერისთვის.

განათლების და მეცნიერების სამინისტროს გადაწყვეტილებით 27 ოქტომბერი მასწავლებლის ეროვნული დღეა!ჩემთვის ყველა ის დღეა დღესასწაული, როცა მოსწავლეს ხედავ და ის გხედავს!! როცა მოსწავლე იღებს შენს მიწოდებულ ინფორმაციას, გთვლის ავტორიტეტად, გისმენს და შემდეგ გააზრებულსა და ნასწავლს იყენებს ქვეყნის სასიკეთოდ! ეს სიკეთე ხომ გადამდებია!! ჩემს მასწავლებლებს! ჩემს კოლეგებს!ყველას , ვინც წლების განმავლობაში ემსახურება და დგას მომავალი თაობის აღზრდის სადავეებთან- ვულოცავ ამ დღეს!! თქვენ ხომ , ერის საუნჯის შემქნელი და შემნახველი ხართ ! თქვენ , ხომ ქვეყნის მომავალი თაობის გონებრივი მაჯისცემის სათავე ხართ!თქვენ ხომ, განათლების სადარაჯოზე დგახართ, ქვეყნის მიჭირნახულენო და მოამაგენო! ქედს ვიხრი თქვენს წინაშე! გილოცავთ! 27.10.2023 წელი ცირა ქასრაძე

დღეს ენების ევროპული დღეა და ლინგვისტურ მრავალფეროვნებას აღვნიშნავთ!ენა არ არის მხოლოდ კომუნიკაციის საშუალება, ის თითოეული ქვეყნის მდიდარი კულტურული მემკვიდრეობის მნიშვნელოვანი ნაწილია. სწორედ ამიტომ, ევროკავშირი სიამაყით ინარჩუნებს 24 ოფიციალურ ენას და ევროპის საბჭოსთან ერთად, ყოველ წელს, ენების ევროპულ დღეს აღნიშნავს, ლინგვისტური მრავალფეროვნების პატივსაცემად და ენების შესწავლისა და კულტურათაშორისი ურთიერთობების მხარდასაჭერად. Today we celebrate linguistic diversity with the European Day of Languages!Language is not just a means of communication, it's a vital part of every country's rich cultural heritage. That's why the EU proudly maintains 24 official languages and celebrates the European Day of Languages together with the Council of Europe every year to honour linguistic diversity, promote language learning, and foster intercultural understanding.

მოგესალმებით და გილოცავთ ახალი სასწავლო წლის დაწყებას ყველას – მოსწავლეებს, მშობლებს, პედაგოგებს. გისურვებთ, რომ ეს წელი ყოფილიყოს მშვიდობიანი და წარმატებების მომტანი თითოეული ჩვენთაგანისათვის. განსაკუთრებით ვეფერებით და ვულოცავთ სასწავლო წლის დაწყებას ჩვენს პირველკლასელებს, რომლებიც დღეს პირველად ჩვენი სკოლის კარს შემოაღებენ, რათა სრულყოფილი ცოდნა სწორედ აქ მიიღონ. ამ ცოდნით კი, როცა დაფრთიანდებიან, ჩვენს ქვეყანას ემსახურონ და ღირსეული მამულიშვილობა გაუწიონ სამშობლოს. ჩვენს წარმატებებში მნიშვნელოვანი წვლილი თქვენ მიგიძღვით, ძვირფასო მშობლებო, თქვენი ნდობა და მხარდაჭერა გვეხმარება ყოველგვარი სიახლის დანერგვაში. ამიტომაცაა, რომ სკოლა ფეხს უწყობს ქვეყნის საგანმანათლებლო სტრატეგიას და პრიორიტეტულ მიმართულებებს. ამასთან ერთად ვითვალისწინებთ ჩვენი მოსწავლეების ინტერესთა სფეროს, მათ სურვილებსა და მისწრაფებებს, თამამად ვუსწორებთ თვალს ყველა სიახლეს, ყველა ახალ გამოწვევას. შემართებითა და ენთუზიაზმით ჩაერთო პროფესიული განვითარებისა და კარიერული წინსვლის სქემაში სკოლის ყველა მასწავლებელი. ეს კი მოსწავლეზე ორიენტირებული სწავლების ხელშეწყობისათვის, თითოეულ მათგანზე ზრუნვის ნათელი გამოხატულებაა. მადლობა ამისათვის…

საგნობრივი კათედრების შეხვედრა სკოლის დირექტორთან და ხარისხის უზრუნველყოფის სპეციალისტთან. სკოლის სივრცეში აუცილებელი მნიშვნელობა ენიჭება ადამიანთა პროფესიული ორგანიზების ისეთ ფორმატს,როგორიც არის საგნობრივი კათედრა. აქ ხდება და სკოლისთვის, ბავშშვის განვითარებისთვის უმნიშვნელოვანესი პროცესის გააზრება, სამოქმედო ამოცანებად ჩამოყალიბება და განხორციელებაზე ზრუნვა. მასწავლებლები, დირექტორთან და ხარისხის უზრუნველყოფის სპეციალსტან ერთად , მიზნობრივად საკუთარ ინტერესებს აერთიანებენ, პროფესიულ გამოცდილებას, საქმის მიმართ სიყვარულსა და პასუხისმგებლობას,რათა შექმნან საგანმანათლებლო საერთო ძალმოსილება. რაც საბოლოო ჯამში ქმნის ერთიან სასკოლო კულტურას.